Azərbaycan, Bakı, 17 noyabr/ Trend , müxbir Ü.İsmayılova/ "Azərbaycan Milli Bankının göstərişi üzrə avtomobil alqısına kreditlərin verilməsi şərtlərinin sərtləşdirilməsi, əsasən, sığortanın bu növü ilə məşğul olan sığorta şirkətlərinin sığorta haqlarının həcmini yarıyadək azaldacaq", - Pasha Sigorta sığorta şirkətinin Baş direktoru Nofəl Rzayev bazar ertəsi bildirib.
"Dempinq qiymətlərinə və şikayətlərin sayının artmasına gətirən bütün bu vəziyyət yalnız sığortanın bu növü ilə məşğul olan şirkətlərə deyil, bütün sığorta bazarına etibarın itməsi ilə təhdid edir", - Rzayev bildirib.
Azərbaycan Maliyyə Nazirliyinin məlumatlarına əsasən, yanvar-sentyabrda avtosığorta üzrə sığorta haqları 48,2 mln. manat (91,8 faiz artımla) təşkil edib, ödənişlər 14,6 mln. manata (iki dəfə artım) bərabər olub. Mövcud 28 sığorta şirkətinin sığorta haqlarının ümumi həcmi 148,7 mln. manat, ödənişləri 40,4 mln. manat təşkil edib.
Sığorta ekspertləri hesab edirlər ki, uzunmüddətli avtomobil sığortası üçün ən münasib faiz dərəcəsi ildə ən azı 4 faiz təşkil edir. Lakin Azərbaycan bazarında avtomobili cəmi 1,5 faizə və ya 5 il ərzində 6 faizə sığortalayan şirkətlər var. Təbii ki, belə şirkətlər ciddi problemlərlə üzləşəcəklər, - Rzayev bildirib.
"Avtokreditləşdirmə müddətinin azalması Azərbaycan bankları və sığorta şirkətlərini xaosa gətirə biləcək qazanc arxasınca qaçmaqdan dayandıracaq", - Rzayev bildirib.
Onun rəyinə görə, yaranmış vəziyyətdə müsbət tərəflər də var - düzgün tarif siyasətinin işlənilməsi, digər növlərin inkişafı - yəni sığorta şirkətləri portfelin diversifikasiyasında maraqlı olacaqlar ki, bu da sığorta biznesinin aparılmasının vacib hissəsidir.
Azərbaycan Milli Bankı (AMB) ölkənin bank sektoruna nəzarəti gücləndirilmək və avtomobil alqısı üçün kreditlərin verilməsi şərtlərini sərtləşdirmək barədə göstəriş verib. Avtomobil kreditləşdirməsində daha fəal iştirak edən banklar maliyyələşdirmə şərtlərinə yenidən baxmağa məcbur olub, bəziləri isə, ümumiyyətlə, kreditləşdirməni dayandırıblar.
Pasha Holding qrupuna daxil olan Pasha Sigorta 30 sığorta növü üzrə korporativ və fərdi müştərilərə xidmət göstərir. Şirkətin Nizamnamə kapitalı 9 mln. manat, məcmu kapitalı 11,5 mln. manat təşkil edir. Yanvar-sentyabrda şirkət 4,98 mln. manat ödəniş həyata keçirərək 6,6 mln. manat sığorta haqqı toplayıb.
Noyabrın 17-nə olan cari mübadilə məzənnəsi -- 0,8098 AZN/USD.
Müəlliflə əlaəq saxlamaq üçün elektron ünvan: [email protected]