Ukrayna, Kiev, 20 noyabr / Trend müxbir Z.Novosvitski/ MDB üzvü olan dövlətlərin dəmiryol nəqliyyatı üzrə Şura, Birlik ölkələrinin dəmiryol nəqliyyatının 2020 - ci ilədək İnkişaf Konsepsiyasını hazırlamaq qiyyətindədir.
UNİAN-ın məlumatına görə, Şuranın sədri, "Rusiyanın dəmiryolları" ASC-nin prezidenti Vladimir Yakunin bu barədə Kiyevdə MDB üzvü olan dövlətlərin dəmiryol nəqliyyatı üzrə Şurasının 49 - cu iclasının gedişində deyib.
"MDB üzvü olan dövlətlərin dəmiryol nəqliyyatının 2020 - ci ilədək inkişafının Konsepsiyasını hazırlamaq zərurudir. Bu sənəd dövlət başçıları Şurasının 2004 - cü ildə təsdiq etdiyi, 2010 - cu ilədək razılaşdırılmış nəqliyyat siyasəti Konsepsiyasına əsaslanmalıdır", - o qeyd edib.
Yakuninin fikrincə, hələ 2004 - cü ildə hazırlanmış nəqliyyat məlumatı sxemini də 2010 - cu ilədək məqsədyönlü şəkildə aktuallaşdırmaq lazımdır. Bu, xüsusilə yeni tranzit dəmiryollarına aiddir.
Sxemin aktuallaşması zamanı ölkələrin nəqliyyat dəhlizləri sistemini balanslaşdırmaq zəruridir, - Şura sədri söyləyib.
Yakunin qeyd edib ki, bu halda logistikanı da nəzərə almaq lazımdır. Onun sözlərinə görə, Şərq - Qərb və Şimal - Cənub tranzit istiqamətlərində müştərək yükdaşıma şirkətlərinin yaradılması mümkündür.
Noyabrın 20 - 21- də Kiyevdə MDB üzvü olan dövlətlərin dəmiryol nəqliyyatı üzrə Şurasının 49 - cu iclası keçirilir. Şuranın iclasında Ukrayna, Azərbaycan, Ermənistan, Belarus, Gürcüstan, Qazaxıstan, Qırğızıstan, Moldova, Rusiya, Tacikistan, Türkmənistan və Özbəkistanın dəmiryol administrasiyalarının nümayəndələri, eləcə də Şuranın assosiativ üzvləri iştirak edirlər.
Yekunda iclasın nəticələrinin əks olunacağı protokol imzalanacaq.
Müəlliflə əlaqə ünvanı: capital
