Azərbaycan, Bakı, 17 dekabr/ Trend , müxbir İ.Xəlilova/ Asiya İnkişaf Bankı (AİB) Azərbaycan hökuməti ilə elektrik ötürücü xətlərinin bərpası və Gəncə dairəvi yolunun yenidən qurulması üzrə kredit sazişləri imzalayıb, - bankın Bakı nümayəndəliyindən çərşənbə günü bildiriblər.
Enerji layihəsinin dəyəri 220 mln, nəqliyyat layihəsinin dəyəri 73,9 mln. dollar təşkil edir.
AİB- in Direktorlar Şurası sentyabrda birinci layihənin realizəsinə 160 mln. dollar ayrılmasını təqdir edib. Layihə çərçivəsində, Mingəçevir su - elektrik stansiyasından Abşeron yarımstansiyasınadək ikikonturlu 220 kilovoltluq elektrik ötürücü xəttinin çəkilişi nəzərdə tutulur. Bununla yanaşı, 220/110 kilovoltluq yarımstansiyanı 110 kilovoltluq elektrik ötürücü xətti ilə birləşdirmək nəzərdə tutulur.
Yolun uzunluu 39 kilometrdir. Yolun bu sahəsi Şərq-Qərb avtomagistralının Yevlax-Gəncə və Qazax-Gürcüstan sərhədi sahələrinin yenidənqurma layihəsinə daxildir. Bu layihənin maliyyələşdirilməsində də AIB-in vəsaitlərindən istifadə edilir. Lakin layihənin bahalaşması ilə əlaqədar əlavə maliyyə tələb olunub. O, Azərbaycanda yol layihələri üçün 2007-ci ilin sеntyаbrındа 500 mln. dollar dəyərində təsdiq еdilmiş multitrаnş pаkеtdən (Multitranche Financing Facility - MFF qalan vəsaitlərdən təqdim edilib.
Nümayəndəlikdən bildiriblər ki, nəqliyyat layihəsi üçün podratçı artıq seçilib və dekabrın sonunadək onunla müqavilə imzalanması gözlənilir. Enerji layihəsi üzrə podratçı şirkətin cəlb edilməsi üzrə tender hələ keçirilməsə də, bank bu prosesi yubatmaq niyyətində deyil.
AİB Azərbaycan hökuməti ilə 1999-cu ildən əməkdaşlıq edir. İndiyədək bank ölkə üçün dövlət zəmanəti altında 304 mln. dollar kredit ayırıb.
Müəlliflə əlaqə saxlamaq üçün elektron ünvan: [email protected]
