...

Azərbaycan, Rusiya və İranın dəmiryolu layihəsi üzrə işçi qruplarının görüşü baş tutmayıb

Biznes və iqtisadiyyat xəbərləri Materials 26 Dekabr 2008 12:52 (UTC +04:00)

Azərbaycan, Bakı, 26 dekabr/ Trend , müxbir E.İsmayılov/ Azərbaycan, Rusiya və İranın işçi qruplarının dekabrın 25-26-da Sank-Peterburqda "Şimal-Cənub" dəmiryolu layihəsi çərçivəsində Rusiya tərəfinin təqdim etməli olduğu biznes-planı və texniki-iqtisadi əsaslandırmanın müzakirəsi üçün üç tərəfli görüşü baş tutmayıb. Bu barədə cümə günü Azərbaycan Dövlət Dəmiryol İdarəsinin (ADDİ) mətbuat xidmətindən məlumat verilib.

"Görüş İran tərəfinin danışıqlara gəlməməsinə görə baş tutmayıb", - deyə ADDİ-nin nümayəndəsi bildirib.

Onun sözlərinə görə, İranın danışıqlara gəlməməsinin səbəbələri məlum deyil. Görüşün keçirilməsi barədə razılıq qabaqcadan əldə olunub.

"Şimal - Cənub" nəqliyyat dəhlizi layihəsi Avropadan Rusiya, Azərbaycan və İrandan keçməklə Hindistan və Cənub - Şərqi Asiya ölkələrinə vahid dəmir yol əlaqəsinin yaradılmasını nəzərdə tutur. Layihənin reallaşdırılması üçün 400 mln. dollardan çox vəsait tələb olunur. Belə ki, işlərin böyük hissəsi Azərbaycan ilə sərhəddədək dəmir yolu əlaqəsinə malik olamayan İranda həyata keçirmək lazımdır. 35 - 40 mln. dollar həcmində müəyyən işlər Azərbaycanda görülməlidir.

Azərbaycan ərazisindəki işlərin həcmi Astara (AR) stansiyasınadək təqribən 8,5 km - lik dəmir yolu, təkər cütlərinin əvəzlənməsi sisteminə malik stansiya, sərhəd və gömrük infrastrukturunun tikintisini nəzərdə tutur.

Həmçinin sərhəd dəmir yol körpüsünün tikintisi də planlaşdırılır. Lakin bu layihənin reallaşdırılması İran ilə paritet əsaslarla həyata keçiriləcək.

Bu dəhlizdə yükdaşımaları ilkin mərhələdə ildə 5 mln.ton proqnozlaşdırılır, gələcəkdə ildə 10 - 15 mln. tonadək artırılması planlaşdırılır.

Məqalə müəllifi ilə əlaqə ünvanı - [email protected]

Xəbər lenti

Xəbər lenti