Azərbaycan, Bakı, 19 yanvar/ Trend , müxbir İ.Xəlilova/ Dünya iqtisadi böhranı "Azersun Holding" şirkətlər qrupunun maliyyə vəziyyətinə təsir göstərib. Şirkətlər qrupu xarici banklardan kreditlərin cəlb edilməsi üzrə imkanların məhdudlaşdırılması səbəbindən 2008-ci ildə bir sıra çətinliklər hiss edib. Bu barədə bazar ertəsi "Azersun"un baş direktoru Abdolbari Goozal bildirib.
"Baxmayaraq ki, böhran şəraitində ölkənin ümumi iqtisadi vəziyyəti dünyanın digər ölkələrindəki vəziyyətdən fərqli olaraq pisləşməyib, beynəlxalq kapital bazarlarında vəsait cəlbinin məhdudlaşdırılması "Azersun"un fəaliyyətinə böyük təsir göstərir", - deyə Goozal bildirib.
"Azersun Holding" 1992-ci ildə yaradılıb. Holdinqin fəaliyyət sahələrinə çay, bitki yağı emalı və paketlənməsi, ticarət və distibyutorluq, tikinti, bank işi, sığorta, karton-kağız məmulatları, ət və tərəvəz konservi istehsalı, yüklərin daşınması və saxlanılması daxildir.
Məqalə müəllifi ilə əlaqə ünvanı - [email protected]