Azərbaycan, Bakı, 24 yanvar/ Trend , müxbir Ü.İsmayılova/ 2008-ci ildə Azərbaycanın nəqliyyat vasitələri ilə 93,45 mln. ton yük daşınıb ki, bu da 2007-ci ilin göstəricisindən 457,5 faiz çoxdur. Bu barədə şənbə günü Dövlət Gömrük Komitəsindən məlumat verilib. Ötən il yük ixracı 83,48 mln. ton, yük idxalı isə 9,95 mln. ton təşkil edib.
Bu dövr ərzində dəniz nəqliyyatı vasitəsilə 742,9 min ton, dəmir yolu ilə 15,2 mln. ton, avtomobil nəqliyyatı ilə 627,5 min ton, hava vasitəsilə 3,3 min ton, boru kəməri marşrutları ilə isə 66,82 mln. ton yük daşınıb.
2008-ci ildə Azərbaycan ərazisindən tranzit ilə 6,59 mln. ton yük daşınıb ki, bu da 2007-ci ilin göstəricilərilə miüqayisədə 110,06 faiz və ya 603,1 min ton çoxdur.
Azərbaycandan tranzit olunmaqla İtaliyaya 2,50 mln. ton, İsveçrəyə 1,8 mln. ton, Gürcüstana 851,9 min ton, Tacikistana 303,4 min ton, Türkiyəyə 175 min ton, İrana 212,3 min ton, Rusiyaya 201,8 min ton, Türkmənistana 262,3 min ton, Bermud adasına 116,3 min ton yük daşınıb.
Məqalə müəllifi ilə əlaqə ünvanı - capital@trend
