Azərbaycan, Bakı, 29 yanvar/ Trend müxbir N.İsmayılova/
Azərbaycanın Vergilər Nazirliyi vergi orqanlarının fəaliyyətinin səmərəliliyini artırmaq və ölkənin vergi qanunvericiliyinin Avropa standartlarına uyğun vəziyyətə gətirilməsi məqsədilə vergi qanunvericiliyinin strateji istiqamətlərinin təkmilləşdirilməsi üzrə konsepsiya hazırlayıb, - Vergilər Nazirliyi Baş Vergi Siyasəti və Strateji Araşdırmalar İdarəsinin Strateji araşdırmalar şöbəsinin rəhbəri Vüsal Şıxəliyev cümə axşamı bildirib.
Konsepsiyaya əsasən, nazirlik əlavə dəyər vergisi (ƏDV) üzrə dərəcəni optimallaşdırmağı planlaşdırır.
"Hazırda Azərbaycanda ƏDV dərəcəsi 18 faiz səviyyəsində müəyyən edilib. Aİ ölkələrində o orta hesabla 19,8 faiz, MDB dövlətlərindən Rusiya və Belarusda - 18 faiz. Ermənistan və Ukraynada 20 faiz təşkil edir", - Şıxəliyev deyib.
Bundan başqa, nazirlik təhsil, tibb xidmətləri, sosial təminat sahəsində ƏDV-yə güzəştlərin tətbiq edilməsi imkanlarını nəzərdən keçirməyi planlaşdırır.
"Bu dəyişikliklər Azərbaycanın vergi qanunvericiliyinə Avropa İttifaqının vergi qanunvericiliyinin tələblərinə uyğun olmağa kömək edəcək", - şöbə rəhbəri vurğulayıb.
Müəlliflə əlaqə saxlamaq üçün elektron ünvan: [email protected]