...

2009-cu ildə Azərbaycanda turizm üzrə artım səviyyəsinin azalması gözlənilir

Biznes və iqtisadiyyat xəbərləri Materials 2 Fevral 2009 13:27

Trend-i buradan izləyin

Azərbaycan, Bakı, 02 fevral / Trend , müxbir Ü.İsmayılova / "2009-cu ildə Azərbaycanda dünya maliyyə böhranının təsiri üzündən turizmin artımı 10-12 faizi ötməyəcək. 2008-ci ildə bu rəqəm 17 faiz olub", - bazar ertəsi mədəniyyət və turizm naziri Əbülfəs Qarayev deyib.

Onun sözlərinə görə, 2008-ci ildə dünya üzrə turist axınının orta artım həcmi 6-7 faiz təşkil edib. İlin sonunda isə dünya maliyyə böhranı üzündən bu rəqəm 2-3 faizə qədər enib. Nazirin fikrincə, "2009-cu ildə dünyada turist biznesinin inkişaf tempi 2-3 faizi ötməyəcək".

Qarayev qeyd edib ki, nazirlik bu il reklam təbliğatının gücləndirilməsi, özünü maliyyə böhranından maksimum sığortalamq üçün Bakıda beynəlxalq tədbirlərin keçirilməsi də daxil olmaqla, turizmin inkişafı üzrə tədbirlər həyata keçirmək niyyətindədir.

"2007-ci ildə Azərbaycana gələnlərin sayı 1,3 milyon təşkil edib. Ancaq onlardan yalnız 1 milyonu ölkəyə turist kimi gəlib", - Qarayev vurğulayıb.

Turizm Nazirliyi həm də ölkəyə gələnlər və gedənlər arasında balans yaratmağa da nail olub. Belə ki, nazirin sözlərinə görə, əvvəllər bu rəqəm 75 faiz-25 faiz gələnlərə nisbətində idisə, bu gün bu 55-ə qarşı 45 faiz səviyyəsindədir.

Turist xidmətlərinin qiymətlərinin azaldılması haqda danışarkən nazir qeyd edib ki, Azərbaycanda xidmətlərin qiymətləri bazar tərəfindən idarə olunur və bugünkü qiymətlər turistlərə yüksək görünərsə, tələbin ödənilməsi naminə onların aşağı salınması mümkündür.

Məqalə müəllifi ilə əlaqə ünvanı: [email protected]

Xəbər lenti

Xəbər lenti