Azərbaycan, Bakı, 02 fevral / Trend , müxbir N.İsmayılova/
Azərbaycanda Toyota markalı avtomobillər ucuzlaşıb, - Toyota-nın Azərbaycandakı rəsmi nümayəndəliyindən bazar ertəsi bildiriblər.
Toyota avtomobillərinin əksər markalarının qiymətləri beş faiz azalıb.
Bu azalma salonun təşəbbüsü deyil, bazarda bu markadan olan avtomobillərin qiymətinin azalması nəticəsində baş verib, - avtosalondan qeyd ediblər.
Həftəlik Nikkei işgüzar jurnalının məlumatlarına görə, apreldə başlayan cari maliyyə ilində Daihatsu Motor Co və Hino Motors Ltd törəmə şirkətlərinin istehsal etdiyi maşınlar da daxil olmaqla, bütün dünyada Toyota avtomobillərinin satış həcmi yeddi milyonadək azala bilər.
Yaponiyanın Chunichi nəşrinin məlumatlarına əsasən, dərinləşən resessiya və şirkətin istehsal etdiyi avtomobillərə tələbatın azalması fonunda 2009-cu ildə dünyada aparıcı avtokonsern Toyota Motor Corp.-un və onun bölmələrinin istehsal həcmləri 20 faiz enə bilər.
Gözlənildiyi kimi, cari ildə Toyota Motors, törəmə şirkətlər nəzərə alınmadan 6,5 milyon avtomobil istehsal edəcək ki, bu da 2008-ci ildən 20 faiz azdır. Bu, 2003-cü ildən şirkət üçün ən aşağı göstərici olacaq.
Nəşrin məlumatlarına görə, Toyota xeyli sayda satılmamış avtomobil ehtiyatına malik olduğu üçün öz istehsal həcmini azaldıb.
Müəlliflə əlaqə saxlamaq üçün elektron ünvan: [email protected]
