Azərbaycan, Bakı, 11 fevral / Trend , müxbir N.İsmayılova/ "Azərbaycanda 2008-ci ilin dekabrında pul kütləsinin (M2) artımı 568,2 milyon manat və ya 10,3 faiz və illik hesablamada (1 yanvar 2008-ci il tarixinə) 1679,4 milyon manat (38,1 faiz) təşkil edib", - çərşənbə axşamı Azərbaycan Milli Bankından (AMB) bildirilib.
Belədə 2009-cu il yanvarın 1-nə M2 göstəricisi 6081 milyon manat təşkil edib. Dekabrın 1-də bu rəqəm 5512,8 milyon manat, 2008-ci il yanvarın 1-də isə 4401,6 milyon manat təşkil edib.
Analoji periodda sövdələşmələr üçün pullar (transaction money (M1)) 5145 milyon manat təşkil edib. Dekabrın 1-də bu rəqəm 4593,7 milyon manat, 2008-ci il yanvarın 1-nə 3652,7 milyon manat təşkil edib. Noyabrla müqayisədə dekabrda bu göstərici 551,3 milyon manat (12 faiz), illik hesablamada 1492,3 milyon manat (40,85 faiz) artıb.
Nəğd pul kütləsinin (M0) həcmi dekabrda 13 faiz (477,2 milyon manat), ümumilikdə 2008-ci ildə 52,8 faiz (1432,2 milyon manat) artıb. Belədə 2009-cu il yanvarın 1-nə olan M0 göstəricisi 4145,7 milyon manat təşkil edib ki, ötən ilin dekabrında bu rəqəm 3668,5 milyon manat, 2008-ci ilin başlanğıcında isə 2713,5 milyon manat təşkil edib.
Fevralın 11-nə olan rəsmi məzənnə 0,8077 AZN/USD təşkil edib.
Məqalə müəllifi ilə əlaqə ünvanı: [email protected]
