Qazaxıstan, Astana, 13 fevral / Trend , müxbir K.Konırova/ 2008-ci ilin sonlarında Qazaxıstanda işsizliyin faiz dərəcəsi artıb. Bu barədə Trend -a Qazaxıstan Respublikasının Statistika Agentliyindən bildiriblər.
"Əhalinin məşğulluğuna dair sənədlərə əsasən, 2008 ilin 4-cu rübündə işsizlərin sayı 559,3 min olub ki, bu da keçən rüblə müqayisədə 18,7min (3,5 faiz) adam çoxdur. İşsizliyin səviyyəsi 6,6 faizə çatıb (3-cü rüb bu rəqəm 6,4 faiz olub). Bu barədə idarədən bildiriblər.
Əhalinin Məşğulluğu və Sosial Müdafiə Nazirliyində qeydə alınan işsizlərin sayı 2008-ci ilin dekabrın sonuna 48,4 min nəfər təşkil edib (0,6 faiz). Standartlara əsasən, məşğulluğu olmayan, aktiv şəkildə iş axtaran və işləməyə hazır olan, lakin iş tapmayan insanlar işsiz sayılır. Agentliyin verdiyi məlumata görə, 2009 ilin yanvar ayında işsizliyin səviyyəsi 6,9 faiz olub, ancaq işsizliyin qeydiyyatı isə 0,7 faiz təşkil edib.
"Bununla bərabər istehsalın azalması zamanı işsizliyin səviyyəsini təyin edərkən, gözdən yayınan işsizliyi də izləmək lazımdır. 2009 ilin yanvar ayında gözdən yayınan işsizliyin səviyyəsi 1,7 faiz təşkil edib", - bu barədə Agentlikdən məlumat veriblər.
Məqalənin müəllifi ilə əlaqə ünvanı: [email protected]