...

Azərbaycanın Dövlət Neft Fondu 2009-ildə Bakı-Tbilisi-Qars dəmiryolu tikintisinin investisiya həcmini açıqlayıb

Biznes və iqtisadiyyat xəbərləri Materials 14 Fevral 2009 13:11

Trend-i buradan izləyin

Azərbaycan, Bakı, 13 fevral / Trend , müxbir E. İsmayılov/ 2009-cu ildə Bakı-Tbilisi-Qars dəmir yolunun Gürcüstan tərəfinin tikintisinə Azərbaycan Dövlət Neft Fondu (ADNF) tərəfindən 80 mln. manat ayrılacaq. Bu barədə cümə günü ADNF-in icra rəhbəri Şahmar Mövsümov bildirib.

Azərbaycan ADNF Bakı-Tbilisi-Qars kəmərinin Gürcüstan tərəfinin tikintisinin rekonstruksiyasına 200 mln. manat ayırmağı planlaşdırır. Bu məqsədlə ayrılan birinci vəsait 2007-ci ildə olub və 20,7 mln. manat təşkil edib. 2008-ci ildə ADNF bu layihənin tikintisinə 5,3 mln. manat sərf edib.

Bakı-Tbilisi-Qars layihəsi çərçivəsində dəmir yolu magistralının yeni 105 km-lik qolunun tikintisi planlaşdırılır. Bunun 76 km-i Turkiyə ərazisindən, 29 km-i Gürcüstan ərazisindən keçəcək. Bundan əlavə nəql gücünü ildə 15 mln. ton yükə çatdırmaq üçün Gürcüstanda 183 km-lik Axalkalaki-Marabda-Tbilisi dəmir yolunun 183 km-lik hissəsi yenidən qurulacaq. Axalkalakidə Gürcüstanda mövcud olan dəmir yolu xətlərinin Avropa standartlarına uyğunlaşdırılması üzrə məntəqələrin tikilməsi də planlaşdırılır. Layihə 422 mln. dollar, infrastrukturla yanaşı isə 600 mln. dollar məbləğində qiymətləndirilir.

Məqalə müəllifi ilə əlaqə: [email protected]

Xəbər lenti

Xəbər lenti