Azərbaycan, Bakı, 19 fevral / Trend , E.İsmayılov / Nəqliyyat Nazirliyindən cümə axşamı verilən məlumata əsaaən, Azərbaycan Nəqliyyat Nazirliyi və Dövlət Yol Polisi İdarəsi Bakı küçələrində sərnişinlərin daşınması zamanı qaydaları pozan avtobus sürücülərinin müəyyənləşdirilməsi məqsədilə birgə reydlər aparırlar.
Həmçinin reydlər zamanı bütün yol nəqliyyat vasitələrinə texniki baxış keçirilir. Əsas qayda pozuntularından biri təhlükəsizlik qaydalarında nəzərdə tutulmayan sayda sərnişin daşınmasıdır.
"Bu reydlər vaxtaşırı keçirilir, bunların nəticəsində isə yol polisi sərnişinlərin daşınması zamanı qaydalara riayət etməyən avtobus sürücülərinə cərimə tətbiq edir və onları hərəkət xəttindən çıxarır"- idarədən bildirilib.
Mənbədən tətbiq olunmuş cərimələr və marşrut xəttindən çıxarılmış sürücülərin sayı barədə məlumat verilmir.
Mənbədən verilmiş məlumata əsasən, reydlər bu həftə başlayıb və fevralın sonuna kimi aparılacaq.
Məqalə müəllifi ilə əlaqə: [email protected]
