Azərbaycan, Bakı, 20 fevral / Trend , müxbir Ü. İsmayılova/ Azərbaycan Tarif Şurası qiymətləndirmə fəaliyyətinin 9 milli standartını hazırlayıb, - cümə günü cəmiyyətin icraedici direktoru Elçin Səmədli bildirib.
"Bu standartlar təsdiqlənmək üçün əlaqədar dövlət orqanlarına göndərilib", - Səmədli qeyd edib.
Onun sözlərinə görə, hal-hazırda dövlət orqanları ilə il ərzində standartların təsdiqlənməsi və tətbiqi yönündə danışıqlar aparılır.
"Əmlak qiymətlərinin vahid standartlarının tətbiqi ölkədəki qiymətləndirmə fəaliyyətinin inkişafına təkan verəcək və əmlak qiymətlərində ziddiyyət yaradan səbəblərin aradan qaldırılmasına xidmət edəcək", - deyə Səmədli bildirib.
Azərbaycan Tarif Şurası 1997-ci ildə qeydiyyatdan keçib. Bu, Azərbaycan ərazisində fəaliyyət göstərən bütün tarifçiləri özündə cəmləşdirən ictimai təşkilatdır. Azərbaycan Tarif Şurasının üzvləri sırasına 80 fiziki şəxs və yeddi hüquqi şəxs daxildir.
Azəbaycanda qiymət fəaliyyəti 1995-ci ildə qəbul olunmuş "Qiymətləndirmə fəaliyyəti haqqında" qanun əsasında tənzimlənir.
Məqalə müəllifi ilə əlaqə ünvanı: [email protected]