...

Azərbaycanda "quş qripi" virusunun qarşısının alınması üzrə monitorinqlər mayın sonunadək davam etdirilə bilər

Biznes və iqtisadiyyat xəbərləri Materials 26 Fevral 2009 17:21

Trend-i buradan izləyin

Azərbaycan, Bakı, 26 fevral / Trend , müxbir S.Babayeva / Azərbaycanda "quş qripi" virusunun qarşısının alınması üzrə monitorinqlər mayın sonunadək davam etdirilə bilər. Bu barədə ölkənin Kənd Təsərrüfatı Nazirliyi yanında Dövlət Baytarlıq Xidmətinin müdiri İsmayıl Həsənov bildirib.

"Biz hər ay monitorinq aparırıq və vəziyyətdən asılı olaraq onlar may ayında da davam etdirilə bilər", - deyə Həsənov bildirib.

Onun sözlərinə görə, Azərbaycanda "quş qripi" virusu ilə bağlı epizodik sabitlik müşahidə olunur və vəziyyət nəzarət altındadır.

Bu günlərdə 2009-cu ildə Azərbaycanda "quş qripi" virusunun qarşısının alınması üzrə ikinci monitorinq başa çatıb. Monitorinq zamanı toplanan nümunələrin laboratoriya nəticələri fevralın 27-də elan olunacaq.  

Əvvəlki monitorinqlər zamanı Azərbaycan ərazisində "quş qripi" virusu aşkar edilməyib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti