Azərbaycan, Baku, 12 mart / Trend , müxbir N.İsmaylova /
Azərbaycan Milli Elmlər Akademiyası (AMEA) İqtisadiyyat İnstitutunun rəhbəri İsa Alıyevin sözlərinə əsasən, Azərbaycanın qeyri-neft sektorunun inkişafı hökumət tərəfindən vaxtında görülmüş tədbirlərin nəticəsi olaraq qlobal iqtsadi böhran şəraitində də inkişafını qoruyacaq.
"Azərbaycanın qeyri-neft sektorunun inkişafı hökumət tərəfindən vaxtında görülmüş tədbirlərin nəticəsidir. Bu səbəbdən də iqtisadiyyatın bu sahəsi qlobal iqtisadi böhran şəraitində də inkişafını qoruyacaq", - Alıyev deyib.
Onun sözlərinə görə, sahibkarlığın inkişafı üçün şərait yaradan sözügedən tədbirlərə 2008-ci ildən "vahid pəncərə" sisteminin tətbiqi, regionların sosial-iqtisadi inkişafı proqramının mərhələli və effektiv icrası və qeyri-neft sektoruna edilən yatırımların artması aiddir.
"Nəticədə effektivliyini göstərən tədbirlər sistemi əmələ gəldi. Bu səbəbdən də yanvar ayında qeyri-neft sektorunda müşahidə edilən 2,8 faiz artım obyektiv əsaslandırılıb və gələcək inkişafı indidən proqnoz etmək olar", - Alıyev qeyd edib.
Məqalə müəllifi ilə əlaqə ünvanı: [email protected]