Azərbaycan, Bakı, 13 mart / Trend , müxbir N.İsmayılova /
Moldova maliyyə naziri xanım Mariana Durleştyanu azərbaycanlı həmkarı Samir Şərifovla böhran şəraitində qarşılıqlı iqtisadi münasibətlərin yaradılması imkanlarını müzakirə edib", - Azərbaycan Maliyyə Nazirliyinin məlumatında deyilir.
Durleştyanu martın 12-də Bakıya işgüzar səfərə gəlib.
Şərifovla görüşdə Azərbaycanda həyata keçirilən iqtisadi islahatlar və maliyyə-iqtisadi siyasətlə tanışlıq, həmçinin, mövcud qlobal iqtisadi və maliyyə böhranının milli iqtisadiyyata təsirlərinin azaldılması istiqamətində həyata keçirilən siyasət və tədbirlərə dair məsləhətləşmələr, habelə, belə şəraitdə qarşılıqlı iqtisadi münasibətlərin qurulması və istiqamətlərinin müəyyən edilməsi məsələləri əsas müzakirə mövzusu olub.
Görüşdə həmçinin, əməkdaşlığın genişləndirilməsində prioritet istiqamətlər, o cümlədən, 2007-ci ilin 22 fevral tarixində Bakıda imzalanmış Azərbaycan Respublikası Maliyyə Nazirliyi ilə Moldova Respublikası Maliyyə Nazirliyi arasında Dövlət Maliyyələşməsi sahəsində əməkdaşlığa dair Sazişdə nəzərdə tutulan məsələlər ətraflı müzakirə edilib.
Məqalə müəllifi ilə əlaqə ünvanı: [email protected]