Azərbaycan, Bakı, 13 mart / Trend , müxbir İ.Xəlilova /
Azərbaycan Qiymətli Kağızlar üzrə Dövlət Komitəsinin (QKDK) sədri Rüfət Aslanlı hesab edir ki, dünyada gedən proseslər Azərbaycanın qiymətli kağızlar bazarının qlobal fond bazarlarına inteqrasiya etməsinə imkan vermir.
Azərbaycanın fond bazarı formalaşma prosesindədir və bu gün qiymətli kağızlar bazarında mühüm oyunçular mövcuddur, lakin hazırda dövlətin qiymətli kağızlarına, o cümlədən Milli Bankın notlarına üstünlük verilir. Korporativ kağızlar bazarında alqı-satqı əməliyyatları əsasən korporativ borc alətləri, o cümlədən bankların borc alətləri ilə aparılır. Bu gün fond bazarında səhm bazarının payı hələ o qədər də böyük deyil, çünki dünya maliyyə bazarlarında hələ ki, qiymətli kağızlar bazarı vasitəsi ilə ötürmə kanalları yoxdur.
"Biz artıq dünya bazarlarındakı vəziyyətin təhlilini başa çatdırmışıq və hazırda səhm bazarının formalaşdırılması və inkişaf etdirilməsi layihəsi üzərində iş gedir. Bizim planlarımız islahat aparmanın bir neçə istiqamətini, ilk növbədə qanunvericiliyin təkmilləşdirilməsini nəzərdə tutur", - deyə Aslanlı bildirib.
Hazırda qiymətli kağızlar bazarı infrastrukturunun təkmilləşdirilməsi üzrə təşəbbüslər üzərində iş aparılır.
Aslanlının sözlərinə görə, əsas məqsəd ölkənin fond bazarında əldə olunan sövdələşmələri real iş rejiminə köçürməkdən ibarətdir. Qiymətli kağızlar bazarında transsəhmlər üzrə hesablamaların milli ödəmə sistemi ilə əlaqələndirilməsi planlaşdırılır.
"Bu, qiymətli kağızlar üzrə alqı-satqını elektron sistem ilə, yəni real rejimdə aparmağa imkan verəcək", - deyə QKDK.
İslahatların ikinci istiqaməti maarifləndirmə üzrə tədbirlərdir. Bununla yanaşı, qiymətli kağızlar bazarında peşəkar iştirakçıları, həmçinin potensial səhmdarların və emitentlərin fond bazarı barədə məlumatlılıq səviyyəsinin və potensialının artırılması üzrə işlərin aparılması planlaşdırılır.
Üçüncü istiqamət Qiymətli Kağızlar üzrə Dövlət Komitəsinin daxili potensialının artırılmasından ibarətdir. Hazırda Dövlət Komitəsi islahatları başa çatdırmaq üzrədir.
"Biz öz potensialımızı qaldırırıq ki, sonradan onu bazar iştirakçılarına da tətbiq edək", - deyə Aslanlı bildirib.
Məqşalə müəllifi ilə əlaqə ünvanı: [email protected]
