Azərbaycan, Bakı, 14 mart / Trend , müxbir N.İsmaylova/
Bankın Azərbaycan filialının rəhbəri Anar İbrahimovun sözlərinə əsasən, Bank Melli Iran-ın Bakı filialı kredit siyasətini dəyişib.
"İstehlakçı və korpoativ kreditlərin çəkisi çox olduğundan bank, əhalisinə kredit verəcəyi şəhərlərin siyahısını genişləndirmək qərarına gəlib", - İbrahimov deyib.
Onun sözlərinə əsasən, əvvəllər yalnız Bakı qeydiyyatı olanlara kredit verilirdisə indi bankın kredit resursları Sumqayıt, Xırdalan və digər Bakıya yaxın rayonlara kredit verməyə imkan yaradır.
Bank 10 min mnata qədər istehlakçı və 50 min manata qədər korporativ kredit ayırır. Bankın təqdim etdiyi kreditlərin illik faiz dərəcələri 23%-ə bərabərdir.
"Baş ofis tərəfindən portfeli genişləndirməklə avtokreditlərin bərpasına icazə verilib. Avtokreditlərin həcminin genişlənməsinə baxmayaraq filial rəhbərliyi kreditin bu növünə başlamaqla bağlı məsələni baxışdan keçirir", - İbraqimov bildirib.
Bir müddət öncə baş ofisin siyasətində dəyişikliklər olduğuna görə Bank Melli Iran avtokreditləşməni durdurmuşdur.
İbrahimovun sözlərinə görə, filial avtomobil bazarındakı qeyri-stabillik və istehlakçıların zəif alıcılıq qabiliyyəti səbəbindən dərhal avtokreditlərin verilməsini istəmir.
1 mart tarixnə Bank Melli Iran-ın kredit potfeli 5,789 mln. manat və depozit portfeli 3,812 mln. manat təşkil edib. Bankın aktivi 18,66 mln. manata, nizamnmə kapitalı 10 mln. manata, müştərək kapitalı isə 152,6 min manata bərabərdir.
14 mart tarixinə olan rəsmi məzənnə 0,8045 AZN/USD teşkil edib.
Məqalə müəllifi ilə əlaqə ünvanı: [email protected]