Gürcüstan, Tbilisi, 17 mart / Trend , müxbir N.Kirtsxaliya /
"Fevralda Gürcüstana gəlmiş pul köçürmələrinin həcmi 52,4 milyon dollar təşkil edib. Bu ötən ilin analoji dövr göstəricisindən 12,9 milyon dollar azdır", - Gürcüstan Milli Bankından məlumat verilib.
"Həcmin azalmasına səbəb Rusiyadan olan axının 30,9 faiz və ya 12,1 milyon dollar azalmasıdır", - MB-dən bildirilib.
Digər ölkələrdən pul axını təxminən eyni səviyyədə qalıb.
Rusiyadan pul köçürmələri - 27,1 milyon dollar, ABŞ-dan - 4,8 milyon, Ukrayna - 3,9 milyon, İtaliya - 3,5 milyon, Yunanıstan - 3,3 milyon, Türkiyə - 1,8 milyon, İspaniya - 1,3 milyon dollar təşkil edib.
Fevrada Gürcüstandan xaricə 5,7 milyon dollar pul köçürülüb. Bir il əvvəl bu rəqəm 6,4 milyon dollar olub. Rusiya və Ermənistana köçürmələr 683,7 min, ABŞ, Türkiyə, Ukrayna, İsrail və İtaliyaya köçürmələr isə 374,3 min dollar azaılıb.
Məqalə müəllifi ilə əlaqə ünvanı: [email protected]
