Azərbaycan, Bakı, 30 mart / Trend , müxbir Ü.İsmayılova/
Azərbaycanın Kredit Birlikləri Assosiasiyasının idarə heyətinin sədri Elçin Bağırov hesab edir ki, Azərbaycanın Ümumdünya Kredit Birliyi Şurasına daxil olması kredit təşkilatları şəbəkəsinin genişləndirilməsinə və onların inkişafına təkan verəcək.
"WOCCU-nun üzv dövlətlərinə köməyinin vacib məqamlarından biri kredit birlikləri işlərinin beynəlxalq standartlara uyğun olaraq keçirilməsidir", - deyə Bağırov bildirib.
Onun sözlərinə əsasən, Azərbaycan regionda və MDB ölkələri arasında WOCCU sıralarına daxil olan ilk dövlətdir.
Bağırovun sözlərinə əsasən, Azərbaycan WOCCU sırasına daxil olan 96-cı ölkədir. Təşkilatın nizamnaməsinə əsasən respublikada beynəlxalq standartlara uyğun kredit birlikləri işlərinin aparılmasına kömək etmək məqsədilə məsləhətçi ayrılıb.
WOCCU-nun nizamnaməsinə uyğun olaraq hər bir ölkə beynəlxalq standartlar və yerli qanunvericilik əsasında kredit birlikləri haqqında qanunu təkmilləşdirməlidir.
"Təşkilatın digər vacib şərti kredit birlikləri fəaliyyətinin şəffaflığının təmini, həmçinin WOCCU-nun bütün prinsipləri ilə uyğunluqdur", - deyə Bağırov bildirib.
Məqalə müəllifi ilə əlaqə ünvanı: [email protected]
