Türkmənistan, Aşqabad, 31 mart / Trend , müxbir H.Həsənov /
Türkmənistan Şanxayda düzənlənən EKSPO-2010 ümumdünya sərgisində təmsil olunacaq. Türkmənistanın ticarət-sənaye palatası Şanxay Beynəlxalq Sərgilər Koordinasiya Bürosunun Aşqabada gəlmiş nümayəndə heyyəti ilə bu haqda müzakirələr aparır.
EKSPO-2010 ümumdünya sərgisinin 2010-cu il mayın 1-dən oktyabrın 31-nədək "Yaxşı şəhər - yaxhşı həyat" şüarı altında keçirilməsi planlaşdırılır. Tədbir əsas diqqəti XXI əsrin problemlərinə yönəltməklə, sənaye istehsalı artımı şəraitində ətraf mühitin mühafizəsi məsələsini önə çəkəcək.
Şanxay sərgisinin əsr yarımlıq ümudünya universal sərgilər tarixində ən möhtəşəm olacağı güman edilir. Şanxay rəsmiləri tədbirin keçiriləcəyi 184 gün ərzində sərgiyə 70 milyona yaxın insanın gələcəyini ehtimal edirlər. Tədbir çərçivəsində 20 000-dən artıq müxtəlif tədbirlərin keçirilməsi nəzərdə tutulub. Sərginin təşkilat komitəsindən bildiriblər ki, tədbirə suveren dövlətlər və beynəlxalq təşkilatlarla yanaşı, urbanizasiya hesabına məşhurlaşmış rayonlar və iri şirkətlər də cəlb olunacaq.
Məqalə müəllifi ilə əlaqə ünvanı: [email protected]
