Qazaxıstan, Astana, 02 aprel / Trend , müxbir K.Arınova /
"Qazaxıstanda orta və böyük müəssisələrdə işdən qovulanların sayı işə götürülənlərin sayını ötüb", - QR-in statistika agentliyi xəbər verir.
"Operativ monitorinqin nəticələrinə görə, orta və böyük müəssisələr və təşkilatlara bu ilin fevralında işə götürülənlərin sayı 58,3 min nəfər (işçilərin ay üzrə orta siyahı sayının 2,0%-i), müxtəlif səbəblərdən işdən çıxanların sayı isə - 60,9 min nəfər (2,1%) olub", - agentliyin mətbuat xidmətinin yaydığı məlumatda deyilir.
Qurumun məlumatına görə, işdən çıxan işçilərdən öz istəyi ilə qovulanların sayı 74,7%, işçi personalın ixtisarı üzündən - 5,7%, başqa səbəblərdən - 19,6% olub.
"İşçi qüvvəsinin hərəkətə intensivliyinin qiymətləndirilməsi nisbi göstəricilər vasitəsilə aparılır. Fevralda işə qəbul əmsalı dövriyyəsi 2,0%, qovulma üzrə dövriyyə - 2,1%, kadrların axını - 1,6% olub. Fevralda işdən çıxarılan işçilərin 95,7%-nin yerinə yeni kardlar götürülüb", - press-relizdə bildirilir.
Məqalə müəllifi ilə əlaqə ünvanı: [email protected]