Azərbaycan, Bakı, 22 aprel / Trend , müxbir Ü.İsmayılova /
"Azərbaycanda piratçılığın səviyyəsi yüksəkdir", - çərşənbə günü Müəllif Hüquqları Agentliyinin sədri Kamran İsmayılov beynəlxalq müəllif hüququ gününə həsr olunmuş seminarda deyib.
"Kompüter texnikası sahəsində piratçılığın səviyyəsi təxminən 90 faizdir. Audiovizual məhsullarda bu rəqəm 75 faizə qədər çatır", - İmanov bildirib.
Bu gün Azərbaycanda əqli mülkiyyət hüquqlarına malik olan yeddi mindən çox rəsmən qeydiyyatdan keçmiş istehsalçı var.
"Məncə, bu rəqəm yaxınlarda xeyli artacaq", - İmanov deyib.
Bunun sübutu kimi o faktı göstərmək olar ki, əvvəllər Azərbaycanda yalnız musiqi mülkiyyətinə görə müraciətlər edilirdisə, indi elmi, ədəbiyyat əsərlərini qeydiyyatdan keçirmək üçün müraciət edirlər.
"Amma ölkədə yüksək piratçılığın olmasına baxmayaraq, Azərbaycan ABŞ tərəfindən tərtib olunan yüksək piratçılıq səviyyəli ölkələr siyahısına daxil edilməyib. MDB ölkələrindən bu siyahıya səkkiz ölkənin adı salınıb", - agentliyin başçısı deyib.
Onun sözlərinə görə, Azərbaycan özünü daha çox inkişaf etmiş ölkələrlə müqayisə etməlidir. Bunun üçün əqli mülkiyyət mədəniyyətini formalaşdırmaq lazımdır.
"Bununla əlaqədar olaraq biz hüquq orqanları ilə birlikdə xüsusi reydlər edəcək və ciddi tədbirlər görəcəyik", - İmanov bildirib.
Məqalə müəllifi ilə əlaqə ünvanı: [email protected]