...

SOCAR xarici tərəfdaşı ilə Azərbaycanda sorbent istehsalının təşkili üzrə işlər görür

Biznes və iqtisadiyyat xəbərləri Materials 22 Aprel 2009 18:14 (UTC +04:00)

Azərbaycan, Bakı, 22 aprel / Trend , müxbir E.İsmayılov /

"SOCAR (Azərbaycan Respublikası Dövlət Neft Şirkəti) Azərbaycan ərazisində azəri-özbək birgə müəssisəsi ilə birlikdə sorbent istehsalı üçün xammal bazasını yerləşdirmək məsələsini nəzərdən keçirir", - çərşənbə günü SOCAR-ın ekologiya məsələləri üzrə vitse-prezidenti Muxtar Babayev deyib.

Fevralın sonunda Azərbaycanın Ekol muhendislik xidmetleri QSC və Özbəkistanın Ekonordragmet şirkəti Bakıda sorbent istehsalı üzrə birgə alyansın yaradılması haqqında müqavilə imzalayıblar. Razılaşma özbək tərəfinin Azərbaycana səfəri zamanı imzalanıb.

"Hazırda bu məsələlər nəzərdən keçirilir: xammal bazası harada olacaq, istehsal necə həyata keçiriləcək. Bundan başqa, müvafiq nazirliklər və qurumlardan belə istehsalı həyata keçirmək üçün icazələr alınmalıdır", - Babayev bildirib.

Onun sözlərinə görə, sorbent istehsalı "Ekol" QSC-nin balansında olan ərazi və meydançalarda həyata keçiriləcək. "Ekol" QSC-nin müvafiq, böyük ərazilərində həyata keçirmək olar", - Babayev qeyd edib.

Bir müddət əvvəl Babayev demişdi ki, Azərbaycanda istehsal edilən sorbent, neftlə çirklənmiş ərazilərin təmizlənməsi və Azərbaycan yataqlarında əmələ gəlmiş kiçik neft göllərinin qurudulması üçün istifadə olunacaq.

Bu layihəyə sərmayələri hər iki tərəf yönəldəcək. Sorbent istehsalının patent sahibi özbək tərəfidir. "Həmçinin özbək tərəfindən sərmayələr qoyulacaq, bizim tərəfimizdən isə sorbentin istehsal ediləcəyi "Ekol" şirkətinin infrastrukturu istifadə olunacaq", - Babayev deyirdi.

Abşeron yarımadasındakı ekoloji problemlərin həlli üçün 2006-cı il martın 1-də yaradılmış "Ekol" QSC-nin həmtəsisçiləri SOCAR - 51 faiz və "Lancer S.A. Services"-dir - 49 faiz.

"Ekonordragmet" özbək-britaniya birgə müəssisəsi 2006-cı il fevralın 15-də yaradılıb və Özbəkistanın Ədliyyə Nazirliyində qeydiyyatdan keçib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti