Azərbaycan, Bakı, 29 aprel / Trend , müxbir İ.Хəlilova /
"Mayın 2-5-də Asiya İnkişaf Bankının (AİB) İdarə Şurasının illik iclasında iştirak məqsədilə Azərbaycanın maliyyə naziri Samir Şərifov, bu həftənin sonunda Baliyə (İndoneziya) yola düşəcək", - çərşənbə günü Bankın Bakı nümayəndəliyindən deyilib. Şərifov Bankda Azərbaycandan alternativ rəhbərdir, rəhbər isə iqtisadi inkişaf naziri Şahin Mustafayevdir.
Səfər çərçivəsində AİB prezidenti Haruhiko Kuroda və bankın başqa yüksək vəzifəli şəxsləri ilə görüşlər planlaşdırılıb.
Görüşlər zamanı Bankın ölkə ilə əməkdaşlıq strategiyası müzakirə olunacaq. 2007-ci ilin sentyabrına qədər dövlət təminatı ilə Bank tərəfindən maliyyələşdirilmiş layihələrin ümumi portfeli 104 milyon dollar təşkil edib. Azərbaycanın AİB ilə əməkdaşlıq günündən (1999-cu il) bu yana üç layihə maliyyələşdirilib. Ancaq 500 milyon dollar dəyərində olan Multitranche Financing Facility (MFF) mexanizmli nəqliyyat layihələrinin maliyyələşdirilməsinin təsdiqlənməsi nəticəsində portfel 304 milyon dollara çatıb. Ötən il bank həmçinin iki kredit - 160 milyon dollar enerji və 55,4 milyon dollar yol layihəsinə verilməsi haqda qərar qəbul edib. Nəticədə bu gün Azərbaycanda AİB-nin Azərbaycan üzrə portfeli 519,4 milyon dəyərində formalaşıb.
Dövlət təminatı altında maliyyələşdirilmənin həcminin artırılması ilə yananşı, Asiya İnkişaf Bankı Azərbaycanın bank sektorunun birbaşa maliyyələşdirilməsi üzrə əsas oyunçuya çevrilməyə başlayıb. Gələcək əməkdaşlığın perspektivlərini müzakirə etmək məqsədilə illik iclasda iştirak etmək üçün bu gün Azərbaycan Beynəlxalq Bankı, Texnika Bank və b. daxil olduğu bank nümayəndə heyəti İndoneziyaya yola düşüb.
"Yerli banklar ölkənin bank sektorunun inkişaf durumu, yeni bank məhsullarının tətbiqinə AİB tərəfindən mümkün yardım haqda danışacaqlar", - nümayəndəlikdən deyilib.
Bu gün AİB Azərbaycan bankları üçün 56 milyon dollarlıq kredit xətti qəbul edilib. Hələ iki il əvvəl yayda AİB Azərbaycanın bank sektorundakı portfelini 120 milyon dollara qədər genişləndirilməsi planlarını bəyan edib, ancaq dünyada güdən proseslər nəticəsində bu planlar gecikir.
AİB xətti ilə texniki yardımın həcmi 10 milyon dolları ötür.
AİB 1966-cı ildə yaradılıb və 67 üzvü var. Bankın mənzil-qərargahı Manilada yerləşir. Azərbaycan AİB üzvlüyünə 22 dekabr 1999-cu ildə qəbul edilib və ölkənin bankın kapitalındakı iştirak payı 0,5 faizdir.
AİB-də aparıcı səhmdarlar Yaponiya və ABŞ (ümumi səhmdar kapitalının 31,2 faizi), Hindistan və Çin (12,8 faiz), Avstraliya, Cənubi Koreya və Kanada (16 faiz) və b.-dır.
Məqalə müəllifi ilə əlaqə ünvanı: [email protected]
