Gürcüstan, Tbilisi, 30 aprel / Trend , müxbir N.Kirtsxalia /
2009-cu ilin mart ayına olan vəziyyətə görə, Gürcüstanda yaşayış minimumu 119,3 lari (bir dollar 1,6501 lariyə bərabərdir) təşkil edib ki, bu da 2008-ci ilin anloji dövr göstəricisindən 5,4 lari çoxdur. Bu barədə Gürcüstan İqtisadi İnkişaf Nazirliyinin Statistika Departamentindən bildiriblər.
Yaşayış minimumu əməkqabiliyyətli kişilərdə 134,7 lari, bir nəfərdən ibarət ailədə - 119,3 lari, iki nəfərdən ibarət ailədə - 191 lari, üç nəfərdən ibarət ailədə - 214,8 lari, dörd nəfərdən ibarət ailədə - 238,7 lari, beş nəfərdən ibarət ailədə - 268,5 lari və altı və daha çox üzvdən ibarət ailədə - 317,5 lari təşkil edib.
Gürcüstanda minimal pensiya 75 lari, dövlət müəssisələrində orta aylıq əmək haqqı isə 400- 500 lari təşkil edir. Gürcüstanda müəllimlər 250-300 lari məvacib alırlar.
Məqalə müəllifi ilə əlaqə ünvanı: [email protected]
