Gürcüstan, Tbilisi, 12 may / Trend , müxbir N.Kirtsxaliya /
Gürcüstanın 11 şərabçılıq və alkoqollu içkilər şirkəti nüfuzlu beynəlxlq London sərgisində iştirak edəcək. Gürcüstan Kənd Təsərrüfatı Nazirliyindən verilən məlumata əsasən, sözügedən şirkətlərin nümayəndələri artıq nazir Bakur Kvezerelinin rəhbərliyi altında İngiltərə paytaxtına yollanıblar.
Üç gün davam edəcək sərgidə gürcü şirkətləri məhsullarını təqdim edərək potensial tərəfdaş əldə edə bilərlər.
"Şərabçılıq məhsullarımızın Britaniyada uğur əldə edəcəyinə və konkret müqavilələrin bağlanacağına əminik. Gürcüstan istehsalı olan şərabların ixracının artmasına ümid edirik", - Londona yola düşməzdən öncə Kvezereli deyib.
Gürcüstan şərabının dünyada məşhurlaşması üçün Kənd Təsərrüfatı Nazirliyi 600 min dollar vəsait sərf edib.
Məqalə müəllifi ilə əlaqə ünvanı: [email protected]
