Azərbaycan, Bakı, 14 may / Trend , müxbir N.İsmayılova /
"İqtisadi Tədqiqatlar Mərkəzi" QHT-nin hesablamalarına görə, Azərbaycanda deflyasiya son ildə ixrac məhsulları xidməti xərclərində 0,5 milyard dollarlıq vəsaitə qənaət etmək imkanı verdi, - mərkəzin sədr müavini Vüsal Qasımlı bu gün deyib.
Azərbaycanda müşahidə edilən deflyasiyanın səviyyəsi son on ildə ilk dəfə olaraq illik hesablamalarla apreldə 1,47% təşkil edib. Ötən ilin aprelində Azərbaycanda 5,34%-lik inflyasiya müşahidə edilib.
Araşdırmalar "Alternativ inflyasiya səviyyəsinin hesablanması" proqramı üzrə "Açıq Cəmiyyət institutu" Macarıstan institusional yardım fondunun layihəsi çərçivəsində aparılır.
Məqalə müəllifi ilə əlaqə ünvanı: [email protected]