Azərbaycan, Bakı, 19 may / Trend /
Litva Ticarət Evi 25-27 may tarixlərində Bakıda keçiriləcək XV Azərbaycan Beynəlxalq Qida Sənayesi sərgisində iştirak edəcək. Bu barədə Ticarət Evinin çərşənbə axşamı yayılan məlumatında bildirilir.
Litva Ticarət Evi sərgidə müxtəlif çeşidli Litva istehsalı olan yüksək keyfiyyətli süd və digər yeyinti məhsullarını nümayiş etdirəcək.
"Litvadan Azərbaycana idxal olunan yüksək keyfiyyətli süd və süd məhsullarının satışını həyata keçirən Litva Ticarət Evi MMC qısa bir müddət ərzində alıcı kütləsinin böyük rəğbətini qazanıb", - deyə məlumatda bildirilir.
Litva Ticarət Evi müştərilərə yüksək texnologiyalarla istehsal olunan keyfiyyətcə yeni müxtəlif çeşidli təbii süd və yeyinti məhsullarını təqdim edir. Məhsullar çox yüksək və müasir texnologiya ilə hazırlanır və standartlaşdırmış qaydada yüksək istilikdə pasterizə və sterilizasiya edilir. Bunlara bişirilmiş halda qatılaşdırılmış süd (karamelli), şirələnmiş kəsmikli desert, kərə yağı 82% -72%-68% Süd 3.5%-2.5%-1.8%-1%-0.5% qızardılmış pendir, holland texnologiyası ilə hazırlanmış pendirlər və.s. aiddir.
Litva Ticarət Evinin 420 m2 ərazisi olan əsas bazası Müşviq qəsəbəsində yerləşir. Litva Ticarət Evində 29 əməkdaş çalışır. Bu müəssisənin satış şöbəsində 6 ədəd xidməti avtomobil fəaliyyət göstərir.
Şirkətin www.milk.az saytında onlayn satış bölməsində istədiyiniz məhsullar barədə məlumat ala bilərsiniz. Məhsulların internet vasitəsilə satışı mümkündür. Müştərilər onlayn sistemində süd, pendir, sırok və digər ərzaq məhsulları evə sifariş edə bilirlər
Həmçinin, məhsullar "A" kateqoriyalı (Premium, Neptun,Qrand və s.) mağazalar şəbəkəsində satılır. Bu məhsullar mağazalar şəbəkəsinə şirkətin təcrübəli ekspeditorları tərəfindən çatdırılır.
Litva Ticarət evinin rəhbəri Əhməd Məmmədov bildirib ki, şirkət hazırda süd məhsullarının satışı ilə məşğuldur. Sərgidə nümayiş ediləcək kvas, konfet, ketçup, mayonez, çörək, konserv və digər yeyinti məhsullarının satışı yaxın gələcəkdə həyata keciriləcək.
