Gürcüstan, Tbilisi, 19 may / Trend , müxbir N.Kirtsxaliya /
2009-cu il aprelin 30-na olan məlumata əsasən, Gürcüstanın xarici dövlət borcu və dövlət zəmanəti altında götürülmüş kreditlərin ümumi həcmi 4 628,96 milyon lari təşkil edib (1 dollar = 1,6550 lari). Bu barədə çərşənbə axşamı Gürcüstanın Maliyyə Nazirliyindən bildiriblər.
İkitərəfli razılaşmalar əsasında Gürcüstanın ümumi borcu 857,606 milyon lari təşkil edir.
[1992-1994-cü illərdə dövlət müəssisələrinin təsərrüfat əməliyyatları nəticəsində yaranmış Gürcüstanın Azərbaycana olan borcunun ümumi həcmi 16 189 573 dollar təşkil edir.]
Gürcüstanın avrobondlar əsasında cəlb edilmiş vəsaitlər üzrə borcu 825,05 lari təşkil edir.
Beynəlxalq maliyyə institutlarının kreditləri üzrə Gürcüstanın 2 9932 093 milyon lari borcu var. Gürcüstanın Beynəlxalq inkişaf assosiasiyası xətti ilə 1 591 965 milyon, Avropa İttifaqı xətti ilə 124,074 milyon, Beynəlxalq Valyuta Fondu vasitəsi ilə 1 025 373 milyon və Asiya İnkişaf Bankı xətti ilə 120,949 milyon lari borcu var.
Dövlət zəmanəti ilə cəlb edilmiş kreditlər üzrə xarici borcun həcmi aprelin 30-na olan məlumata əsasən, 14,213 milyon lari təşkil edib. Bununla belə, Gürcüstanın Almaniyaya 6,078 milyon, Avropa Yenidənqurma və İnkişaf Bankına isə 8,135 milyon lari dövlət borcu var.
2009-cu ilin martın sonuna Gürcüstanın xarici borcunun ümumi həcmi 4 697,281 milyon lari təşkil edirdi.
Məqalə müəllifi ilə əlaqə ünvanı: [email protected]