Azərbaycan, Bakı, 21 may / Trend , müxbir N.İsmayılova /
Azərbaycanın Əmlak Məsələləri Dövlət Komitəsi (ƏMDK) dövlət əmlakının özəlləşdirilməsi üçün buraxılmış və hazırda dövriyyədən çıxarılmış özələşdirmə çeklərinin həcmini 80%-ə çatdırmaq niyyətindədir. Bu barədə ƏMDK-nın sədri Kərəm Həsənov deyib.
"Bu günədək özəlləşdirmə çeklərinin 75%-i dövriyyədən çıxarılıb. İlin sonunadək bu göstəricini 80%-dən yuxarı qaldıracağıq", - Həsənov qeyd edib.
Qanunvericiliyə əsasən, mayın 1-dək 23,6 milyon özəlləşdirmə çeki və 10 milyon özəlləşdirmə opsianı dövriyyədən çıxarılıb.
Əhaliyə ümumilikdə 32 milyon özəlləşdirmə çeki paylanılıb. Çeklər 2010-cu ilin yanvarın 1-dək dövriyyədə olacaq.
Özəlləşdirmə çekləri xüsusi çek auksionlarında, investisiya müsabiqələrində və çeklərin əmək kollektivinə güzəştli satışında təqdim edilir.
Məqalə müəllifi ilə əlaqə ünvanı: [email protected]
