Azərbaycan, Bakı, 25 may / Trend , müxbir Ü.İsmayılova/
"2007-ci ilin yayından ipoteka verilişini dayandırmış Azərbaycan Mərkəzi Bankı nəzdində Azərbaycan İpoteka Fondu (AİF) fondun agent-banklarının yeni siyahısını təsdiqləyib", - bazar ertəsi AİF-dən deyilib.
Siyahıya əvvəl təsdiqlənmiş 23 bankdan 17-nin adı salınıb. İyun ayından etibarən ipoteka kreditini bərpa etmək fikrində olan AİF-in vəsaitlərinə Azərbaycan Beynəlxalq Bankı, Azerdemiryolbank, Azerigazbank, AtaBank, Bank Avrasiya, Bank of Azerbaijan, Bank Standard, Bank Respublika, Gencebank, Kapital Bank, UniBank, PASA Bank, Muganbank, Texnikabank, Turanbank, Xalq Bank və Zaminbank çıxış əldə edəcək. Azərbaycanda 46 bank fəaliyyət göstərir.
Azərbaycan ipoteka fondu təcili şərhlər üçün açıq deyildi.
Azərbaycan İpoteka Fondu bu günədək səlahiyyətli banklar tərəfindən ayrılan ipoteka kreditlərini 63,3 mln. manat səviyyəsində təkrar maliyyələşdirib ki, bu da ipoteka portfelinin ümumi həcminin 93 faizini təşkil edir. 2006-cı ilin martından 2007-ci ilin iyunundək AİF-in mənzil alqısının maliyyələşdirilməsi üzrə fəal əməliyyatlar apardığı dövr ərzində banklar tərəfindən 67,9 mln. manat həcmində ipoteka krediti verilib.
Azərbaycanın 2005-2008-ci illərin dövlət büdcəsində AİF vasitəsilə ipotekanın maliyyələşdirilməsi üçün 94 milyon manat nəzərdə tutulub. Bu məbləğin 68 mln. manatı banklar vasitəsilə artıq verilib.
2009-cu ildə sosial ipotekanın maliyyələşdirilməsi üçün dövlət büdcəsində 14,5 mln. manat nəzərdə tutulub.
Mayın 25-nə rəsmi məzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]