Azərbaycan, Bakı, 27 may / Trend , müxbir N.İsmayılova /
Bakı Fond Birjasının (BFB) 2009-cu ilə olan büdcəsi mənfəətlə təsdiq olunub. Bu barədə BFB-nin idarə heyətinin sədri Xəyal Abdinov deyib.
"Proqnozlaşdırılan mənfəət son iki ildə birjada müşahidə edilən göstəricidən azdır", - Abdinov qeyd edib.
Onun sözlərinə əsasən, ötən ilin nəticələri üzrə səhmdarlara dividentlərin ödənişi həyata keçirilməyib. Dividentlər birjanın ümumi gəlirinin 8-30%-ni təşkil edəcək. Ötən il ərzində fond birjasının təmiz gəliri 1 milyon manatdan artıq olub.
"Biz ötənilki birja dövriyyəsinin 50% göstəricisinə nail olmaq istəyirik. Ötən il birja dövriyyəsi 10 milyard manat təşkil etdiyi halda, cari ildə 7 milyardlıq dövriyyəyə çatmaq böyük uğur olacaq", - Abdinov vurğulayıb.
Onun sözlərinə əsasən, bu il birjada səhm bazarı fəallığı ilə seçilir.
Mayın 27-nə olan rəsmi məzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]
