Azərbaycan, Bakı, 29 may / Trend , müxbir N.İsmayılova /
" Azərbaycanda peşəkar risk-menecerlər assosiasiyası qeydiyyatdan keçib", - cümə günü assosiasiyanın təsisçisi və başçısı Rüfət Mahmudov deyib.
"Assosasiya mayın ortalarında qeydiyytadan keçib və hazırda onun institusional quruluşu yaradılır", - Mahmudov bildirib.
Onun sözlərinə görə, ay ərzində Müşahidə Şurası və assosasiyanın fəaliyyət strategiyası yaradılacaq. Yalnız bundan sonra struktur şirkət cəlb etməyə başlayacaq. Assosiasiyanın üzv sayına limit qoyulmayacaq və artıq Azərbaycan bankları üzvlük almağa maraq göstərib.
Assosiasiyanın yaradılması ölkənin maliyyə sektorunda risklərin azaldılmasına təsir edəcək. Artıq Assosiasiya Beynəlxalq Maliyyə Korporasiyası, ölkənin Mərkəzi Bankı və GARP-la (Global Association of risk Professionals) əməkdaşlığa başlayıb.
Artıq bank əməkdaşlarının testləşdirilməsi başlanıb və onların sertfikatlaşdırılması üçün nəticələrin analizi aparılır.
Məqalə müəllifi ilə əlaqə ünvanı: [email protected]
