Azərbaycan, Bakı, 12 iyun / Trend , müxbir Ü.İsmayılova /
Azərbaycanın iri sığorta şirkətlərindən olan Pasha Sigorta 2011-ci ilin əvvəlinədək həyatın sığortalanması (Life) ilə bağlı kampaniyaya başlamaq niyyətindədir, cümə günü şirkətin idarə heyətinin sədri Nofəl Rzayev bildirib.
"Bu qərar strateji plana uyğun olaraq təsisçilər tərəfindən qəbul olunub", - Rzayev bildirib.
Onun sözlərinə görə, hazırda həyatın sığortalanması kampaniyası üzrə toplanmış vəsaitlərin həcmi ümumi vəsaitlərin 4 faizini təşkil edir.
Azərbaycanda ayrı-ayrı Life kampaniyaların yaradılması 2008-ci ildə təsdiq olunmuş "Sığorta fəaliyyəti haqqında" Qanunda nəzərdə tutulub. Azərbaycanda həyatın sığortalanması ilə yalnız bir şirkət - Kavkaz Sigorta şirkətinin bazasında yaradılan Atesgah Heyat məşğul olur. Hər iki şirkət İSR Holding-in tərkibinə daxildir və ilin əvvəlində təsisçilərin qərarına əsasən, Kavkaz Sigorta "Atesgah Heyat" adlandırılıb, nəticədə kampaniyalar Life və Non-Life polisləri ilə dəyişib.
Pasha Holding qrupunun üzvü Pasha Sigorta korporativ və şəxsi müştərilərə Bakıda yerləşən mərkəzi ofisi, Sumqayıt və Xırdalanda yerləşən servis bölmələri ilə 30 növ sığorta üzrə xidmət göstərir. Şirkət kapitalizasiya göstəricilərinə görə 9 milyon manat nizamnamə kapitalı və 11,5 milyon manat cari yekun kapitalı ilə ölkənin 10 aparıcı sığortaçıları arasındadır.
İyunun 12-nə olan rəsmi məzənnə 0,8038 AZN/USD təşkil edir.
Məqalə müəllifi ilə əlaqə ünvanı: [email protected]