Azərbaycan, Bakı, 17 iyun / Trend , müxbir N.İsmayılova /
Azərbaycan Mərkəzi Bankı tərəfindən (AMB) elan edilmiş ödəmə balansına müvafiq olaraq, 2009-cu ilin birinci rübündə cari əməliyyatların hesabat profisiti ötən ilin anoloji dövrünə nisbətdə 2,1 dəfə azalaraq 1,8 milyard dollar təşkil edib və bu, müsbət xarici ticarət balans saldosunun 2,8 dəfə azalmasına səbəb olub, çərşənbə günü AMB-dən bildiriblər.
Sektorlar üzrə ödəmə balansının analizi göstərir ki, əvvəlki illərdə olduğu kimi neft-qaz sektorunun xarici-iqtisadi əməliyyatları üzrə müsbət, qeyri neft sektoru üzrə isə mənfi saldo formalaşıb.
Kapital və maliyyənin hərəkətində yaranmış kəsr hesabat dövründə iki dəfə artaraq 3,8 milyard dollar təşkil edib. Bunun əsas səbəbi maliyyə-depozitlər balansının hesabat aktivləri bölməsində və mövcud valyutanın göstəricilərinin 2,4 milyard dollar, o cümlədən banklar üzrə 514 milyon dollar, ev təsərrüfatları üzrə 1,9 milyard dollar artmasıdır.
Birinci rübdə xarici ticarət dövriyyəsinin ümumi həcmi 5,1 milyard dollar təşkil edib, xarici ticarət balansının müsbət saldosu 2,1 milyard dollara çatıb. Bununla bərabər məhsulların idxalı 1,48 milyard dollar, ixrac əməliyyatları isə 3,6 milyard dollar həcmində olub.
Hesabat dövründə 108 ölkə ilə ticarət əlaqələri qurulub. Ticarət dövriyyəsində 13,3 faiz MDB ölkələrinin, 86,7 faiz digər ölkələrin payına düşür. ABŞ, İsrail, Rusiya, Fransa, Türkiyə, Almaniya, Gürcüstan, Cənubi Koreya, İtaliya və Kanada ilə intensiv ticarət əlaqələri olub. Azərbaycanın ixrac-idxal əməliyyatlarının 74 faizi bu ölkələrin payına düşür.
Məqalə müəllifi ilə əlaqə ünvanı: [email protected]
