Azərbaycan, Bakı, 19 iyun / Trend , müxbir N.İsmayılova /
Azərbaycanda "Əqli mülkiyyət hüquqlarının müdafiəsi və piratçılıqla mübarizə haqqında" qanun layihəsinin qəbul edilməsi gözlənilir, bu barədə cümə günü Müəllif Hüquqları üzrə Agentliyin sədri Kamran İmanov bildirib.
"Bu qanun layihəsi ilk dəfə olaraq əqli mülkiyyət hüquqlarının pozulması profilaktikası və qarşısının alınması üçün bütün məhkəmə tədbirlərini əks etdirir", - deyə İmanov bildirib.
Onun sözlərinə əsasən, qanun həmçinin praktiki mexanizmi, əqli mülkiyyət məhsullarının istehlak bazarına çıxarılması zamanı rənglənməsi və xüsusi nişan və holoqramlarla nişanlanmasını nəzərdə tutur ki, bu da pirat məhsullarını lisenziyalı məhsullardan fərqləndirməyə imkan yaradır.
"Bu məqsədlə dövlət vəsaiti hesabına əqli mülkiyyət hüquqlarının müdafiəsi və piratçılıqla mübarizə mərkəzi yaradılacaq", - deyə İmanov bildirib.
Onun sözlərinə əsasən, mərkəzin yaradılması üzrə hazırlıq işləri gedir, lakin bu prosesə növbəti ildə başlanılacaq.
"Qanun layihəsi bu il ərzində ölkə parlamenti tərəfindən təsdiqlənə bilər, praktiki olaraq bu layihə üzrə artıq bütün nazirliklərdən və müvafiq idarələrdən vizalar alınıb", - deyə o bildirib.
Məqalə müəllifi ilə əlaqə ünvanı: [email protected]
