Azərbaycan, Bakı, 06 iyul / Trend , N.İsmayılova /
Parabank iki sindikatlaşdırılmış kreditin cəlb olunması üzrə danışıqlar aparır, bu barədə bankın xəzinədarlıq departamentinin direktoru Elnur Ağayev bildirib.
"Hazırda beş milyon dollar məbləğində iki kredit xəttinin cəlb olunması üzrə danışıqlar aparılır", - Ağayev deyib.
Onun sözlərinə əsasən, üç milyon dollar məbləğində kredit xəttinin cəlb olunması üzrə Asiya İnkişaf Bankı ilə, iki milyon dollar məbləğində kredit xəttinin cəlb olunması üzrə isə Almaniyanın İnkişaf bankı KfW ilə danışıqlar aparılır.
"Bu vəsait kiçik və orta sahibkarlığın maliyyələşdirilməsinə yönləndiriləcək", - Ağayev bildirib.
Bank bir sıra beynəlxalq maliyyə institutları və kredit təşkilatları ilə əməkdaşlıq edir. Onlar arasında Kreditanstalt für Wiederaufbau (KfW), İslamic Bank Development Busines (ISDB), Europian Bank Reconstraction and Development (EBRD), İnternational Finance Corporation (IFC), Black Sea Trade & Development Bank (BSTDB), Commerzbank AG (GEM), Gürcüstanın TBC Bankı (GEO) yer alır.
Bankın səhmdarları fiziki (99,9525 faiz) və hüquqi (0,0475 faiz) şəxslərdir.
İyulun 6-na olan rəsmi məzənnə 0,8042 AZN/USD təşkil edir.
Məqalə müəllifi ilə əlaqə ünvanı: [email protected]
