Gürcüstan, Tbilisi, 09 iyul / Trend , müxbir N.Kirtsxaliya /
Dünya Bankı (DB) kiçik iqtisadiyyatı olan ölkələri yeni zərbələrə hazırlayır. Cümə axşamı DB-nin Cənubi Qafqazda Tbilisi üzrə regional direktoru Asad Allamlinin dediyi kimi, hazırkı mərhələdə kiçik iqtisadiyyatlı ölkələr böhranın enib-qalxmasından yayına biliblər.
Lakin növbəti dalğa mütləq bu ölkələrə təsir edəcək. O, daha dərin olacaq və dövlət xərclərinə, sosial vəziyyətə və işsizliyin artmasına təsir göstərəcək.
DB-nin nümayəndəsi bu ölkələrə tövsiyələr verir və bəyan edir ki, xüsusilə iqtisadiyyatın yavaş sürətlə bərpa olunacağını nəzərə alaraq yaranmış vəziyyətdə onlar xəzinə siyasətinə müəyyən düzəlişlər etməlidirlər.
Gürcüstanın maliyyə naziri Kaxa Bainduraşvili bu bəyanata şərh verərək bildirib ki, DB-nin rəyində söhbət şok dalğadan yox, ondan çıxış prosesinin başlanmasından gedir. Nazirin sözlərinə əsasən, bu asan proses deyil və dünya iqtisadiyyatı böhranayaxın həddə çatanacan bir neçə il davam edəcək.
"Sözügedən rəy göstərir ki, iqtisadi artımın göstəricisi adi tempdə artmayacaq. Məsələn 2007-ci ildən fərqli olaraq 2010-cu ildə 12 faizlik iqtisadi artım müşahidə edilməyəcək. Düzdür, bu illə müqayisədə artım olacaq, lakin o ikirəqəmli olmayacaq", - deyə Bainduraşvili bildirib.
Məqalə müəllifi ilə əlaqə ünvanı: [email protected]
