Gürcüstan, Tbilisi, 05 avqust / Trend , müxbir N.Kirsxaliya /
Gürcüstanın kommersiya banklarının kreditləşdirməsinin həcmi iyulun 1-nə olan vəziyyətə görə 5,4 milyard lari (1 dollar = 1,679 lari) təşkil edir. Gürcüstanın Milli Bankından verilən məlumata görə, bu göstərici iyunun 1-nə olan göstəricidən 36,6 milyon azdır. Faizlə nisbətdə 0,7 punkt azalıb.
Milli valyuta ilə verilən kreditlərin həcmi 57,3 milyon lari azalaraq 1,2 milyard təşkil edib. Xarici valyuta ilə verilən kreditlərin artımı isə 20,7 milyon lari təşkil edib və onların həcmi 4,1 milyardı ötüb.
Hüquqi şəxslərə milli valyuta ilə 483,2 milyon ları, xarici valyuta ilə isə 2,5 milyard lari verilib.
Hüquqi şəxslərin kreditləşdirilməsinin həcminin az hissəsi ticarət sahəsinin payına düşür - 46,8 faiz. Bu sahəyə verilən kreditlərin həcmi iyunla müqayisədə 2,2 faiz artaraq 1,4 milyard lari təşkil edib.
Sənayeyə verilən kreditlərin hissəsi 21 faiz (627 milyon lari) təşkil edib. Bunun 11,9 faizi tikintinin payına düşür ki, bu da 354,6 milyon təşkil edir. Hüquqi şəxslərin kreditləşməsinin ümumi həcminin 78,6 faizi bu üç sahənin payına düşür.
Məqalə müəllifi ilə əlaqə ünvanı: [email protected]
