Azərbaycan, Bakı, 06 avqust / Trend , müxbir N.İsmayılova /
Azərbaycan bankı Azərnəqliyyat Bankın aktivləri iyulun 1-də 69,72 milyon manat təşkil edib ki, bu da ötən ilin analoji dövr göstəricisindən təxminən 3,5 dəfə çoxdur. Bu barədə cümə axşamı bankdan bildirilib.
Müştərək kapital il ərzində 13,6 faiz artraq 12,72 milyon manat təşkil edib. İyulun 1-də nizamnamə kapitalı 10,78 milyon manat olub. Bankın xalis gəliri 16,7 dəfə artaraq iyulun 1-də 1,07 milyon manat təşkil edib. 2008-ci ilin iyulun 1-nə olan göstəricilərə əsasən bankın xalis gəliri 64,09 min manatdır.
Bankın kredit portfeli hesabat dövründə 7,6 faiz arataraq 16,19 milyon manata çatıb ki, onun da 6,75 milyon manatı istehlak kreditləşməsinə yönləndirilib. Bakın depozit portfeli ilin birinci yarısında 9,14 milyon manat təşkil edib.
Azərnəqliyyat Bank 1989-cu ildə Azərbaycanın Avtomobil Nəqliyyatı Nazirliyinin müxtəlif təşkilatları tərəfindən ticarət bankı kimi təsis edilib. 2005-ci ildə bankın statusu açıq səhmdar cəmiyyətə dəyişdirilib.
Hazırda bankın Bakıda və ölkə regionlarında səkkiz filialı mövcuddur.
2009-cu ildən etibarən bank uğurlu danışıqlar həyata keçirib və Avropanın böyük banklarından biri Raiffeisen Zentralbank Osterreich AG ilə əməkdaşlıq etməyə başlayıb.
Avqustun 6-na olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
