Azərbaycan, Bakı, 06 avqust / Trend , müxbir N.İsmayılova /
Avqust-oktyabr ayları ərzində Azərnəqliyyat Bank buraxılan plastik kartların sayını səkkiz minə çatdırmağı planlaşdırır. Bu barədə cümə axşamı bankın idarə heyətinin sədri Emin Məmmədov bildirib.
"2009-cu ilədək bank sistemin sınanması ilə əlaqədar olaraq plastik kartlar üzrə əməliyyat aparmayıb, plastik kartlar üzrə dövriyyə cari ilin birinci yarısında az olub", - deyə Məmmədov bildirib.
Onun sözlərinə görə, 2009-cu ilin avqust-oktyabr aylarında buraxılmış plastik kartların sayı təxminən 2,5 milyon manat aylıq dövriyyə ilə 8000-ə çatacaq.
Hazırda bank 27 bankomat alıb ki, onların da 15-i artıq ölkə paytaxtında və regionlarda quraşdırılıb.
Azərnəqliyyat Bank 1989-cu ildə Azərbaycanın Avtomobil Nəqliyyatı Nazirliyinin müxtəlif təşkilatları tərəfindən ticarət bankı qismində təsis edilib. 2005-ci ildə statusu açıq səhmdar cəmiyyətə dəyişdirilib.
Hazırda bankın Bakıda və ölkə regionlarında səkkiz filialı fəaliyyət göstərir.
2009-cu ilin əvvəllindən etibarən bank Avropanın böyük banklarından biri Raiffeisen Zentralbank Osterreich AG ilə uğurlu danışıqlar aparıb və əməkdaşlığa başlayıb.
Avqustun 06-na olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
