Azərbaycan, Bakı, 07 avqust / Trend , müxbir N.İsmayılova /
"Latviya Prezidenti Valdis Zatlersin Azərbaycana rəsmi səfəri Azərbaycan və Latviya bankları arasında qarşılıqlı əlaqələrin gələcək inkişafına təkan verəcək", - Latviyanın Bank Assosiasiyasının nümayəndəsi və Parex Bank-ın Azərbaycandakı nümayəndəliyinin başçısı Andreys Krivans bildirib.
"Nümayəndə heyətinin tərkibinə Latviyanın biznes cəmiyyətinin 80 nümayəndəsi, həmçinin Parex Bank nümayəndələri daxildir", - Krivans bildirib.
Bankın üç nümaynədəsindən ikisi onun törəmə strukturunun - Parex Leasing and Factoring lizinq şirkətinin, biri isə Parex Bank-n nümayəndəsidir.
"Nümayəndə heyəti Azərbaycan bankları ilə qarşılıqlı əlaqəmizə müəyyən təkan verməlidir, Latviyada bu səfərdən çox şey gözlənilir və ümumi kontekst çox gözəl şəkildə yaranır. Biz hiss edirik ki, bizə maraq var və Azərbaycan tərəfinə təklif edəcəyimiz, onunla müzakirə edcəyimiz məsələlər var", - Krivans bildirib.
Onun sözlərinə əsasən, nümayəndə heyətinin tərkibinə Latviyanın iqtisadiyyat naziri Artisa Kamparsa və xarici işlər naziri Maris Riekstinş daxil olacaq.
"Azərbaycan bankları ilə işlər əvvəlki kimi davam edir və mən prezidentin səfərinin əməkdaşlığın gələcək inkişafına yardım edəcəyinə çox ümid edirəm", - o bildirib.
Məqalə müəllifi ilə əlaqə ünvanı: [email protected]
