Qazaxıstan, Astana, 13 avqust / Trend , müxbir K.Konırova /
2009-cu ilin iyuluna olan məlumata görə, Qazaxıstan iqtisadiyyatında məşğul insanlar 8,1 milyon nəfər olub. Bu barədə ölkənin Statistika Agentliyi məlumat verib.
"Keçən ilin analoji dövrünə nisbətən onların sayı 219,2 min nəfər və ya 2,8 faiz artıb. Muzdlu işçilərin sayı göstərilən dövrdə 5,4 milyon nəfər (məşğul insanların ümumi sayının 66,2 faizi) olub", - mətbuat xidmətinin məlumatında göstərilir.
Agentliyin məlumatına görə, cari ilin iyulunda işsizlərin sayı 565,4 min nəfər, işsizliyin səviyyəsi isə 6,5 nəfər təşkil edib.
"İyulun sonuna rəsmi olaraq Əmək və Əhalinin Sosial Müdafiəsi Nazirliyinin məşğulluq orqanlarında 98,9 min nəfər qeydiyyatdan keçib. Qeydiyyata alınmış işsizlərin sayı iqtisadi fəal əhalinin 1,2 faizini təşkil edir. Bu da keçən ilin analoji dövrü ilə müqayisədə 0,4 faiz çoxdur", - məlumatda deyilir.
Məqalə müəllifi ilə əlaqə ünvanı: [email protected]
