Azərbaycan, Bakı, 17 avqust / Trend , müxbir Ü.İsmayılova /
Böyük Britaniya Azərbaycan iqtisadiyyatına qoyulan sərmayələrin həcmi üzrə lider mövqeyini saxlamaqda davam edir və yeddi ay ərzində onun ümumi xarici sərmayələrdəki payı 48,4 faiz təşkil edib", - bazar ertəsi Dövlət Statistika Komitəsindən deyilib.
Böyük Britaniyanın yanvar-iyul aylarında Azərbaycan iqtisadiyyatına yatırdığı sərmayələrin həcmi 706,238 milyon manat təşkil edib.
Yanvar-iyul aylarında Azərbaycan iqtisadiyyatına qoyulan sərmayələrin 87,6 faizi (618,419 milyon manat) Böyük Britaniya, ABŞ, Yaponiya, Norveç, Fransa, Çexiya və Türkiyədən olan sərmayədarların payına düşür.
Burada ABŞ sərmayələri 112,828 milyon manat (xüsusi çəkisi 16 faiz), Yaponiya 583,95 milyon manat (8,4 faiz), Norveç 368,15 milyon (5,2 faiz), Türkiyə 292,58 milyon manat (4,1 faiz), Fransa 258,46 milyon manat (3,7 faiz), Çexiya 128,52 milyon manat (1,8 faiz) təşkil edir.
Beynəlxalq maliyyə institutları içərisində ən böyük sərmayə Dünya Bankı tərəfindən 5,9 faiz xüsusi çəki ilə 41,509 milyon manat həcmində qoyulub. Asiya İnkişaf Bankı 14,38 milyon manat (iki faiz), AYİB 90,49 milyon manat (1,3 faiz), İslam İnkişaf Bankı 15,25 milyon manat (0,2 faiz), Küveyt İqtisadi İnkişaf Fondu 1,66 milyon manat (0,2 faiz) təşkil edir.
Avqustun 17-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
