Azərbaycan, Bakı, 27 avqust / Trend , müxbir Ü.İsmayılova /
Azərbaycan Marketinq Cəmiyyəti kommersiya və bazar informasiyası mərkəzinin hazırlanmasına dair tenderin qalibi olub. Bu barədə çərşənbə günü Cəmiyyətdən verilən məlumatda deyilir. Tender DB-nin "Kənd təsərrüfatının inkişafı və kreditləşməsi" layihəsinin ikinci fazası çərçivəsində Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyi tərəfindən elan olunub.
Mərkəzin əsas vəzifəsi SMS xidməti vasitəsi ilə kənd təsərrüfatı məhsullarının, habelə kənd təsərrüfatı texnikası və avadanlıqları, gübrələr və digər məmulatların qiymətləri, onların dinamikası barədə fermerlərə operativ məlumatların çatdırılmasıdır. Mərkəzin yaradılması layihəsi üç ilə nəzərdə tutulub. Bu dövr ərzində Azərbaycanın müxtəlif regionlarından olan fermerlər kənd təsərrüfatı məhsullarının, texnika və avadanlıqların, gübrələr bə digər məhsulların topdan və pərakəndə satışının ən optimal qiymətləri barədə məlumat alacaqlar.
Alınmış informasiya böyük miqdarda daha keyfiyyətli məhsul istehsal etmək üçün əlverişli şərait yaradacaq ki, bu da böyük gılir götürməyə kömək edəcək.
Kənd Təsərrüfatı Kreditləri üzrə Dövlət Agentliyi və Azərbaycan Marketinq Cəmiyyətinin DB ilə birgə reallaşdırdığı layihə aqrar sektorda daha qabaqcıl İKT-nin istifadəsi üçün şərait yaradacaq.
Layihənin həyata keçirilməsinə 2007-ci ilin yanvarından başlanılıb və o, kənd təsərrüfatının inkişafı və kreditləşməsi onillik proqramının ikinci fazasıdır. Layihənin əsas məqsədi fermerlərin, kiçik və orta kənd təsərrüfatı müəssisələrinin bizensinə dəstək, o cümlədən maliyyə xidmətlərinə çıxışın gücləndirilməsi vasitəsilə məhsuldarlıığın və gəlirliliyin artırılması, kənd yerləri üçün investisiyanın stimullaşdırılmasıdır.
Layihənin 58 milyon dollarlıq ümumi dəyərindən DB-nin kreditinin payına 28,5 milyon dollar düşür (Beynəlxalq İnkişaf Asossasiyasının vəsaitdən 20,5 milyon dollar ayrılacaq, 8 milyon dollar isə - BİA-nın sərtləşdirilmiş şərtləri hesabına. Bu vəsait də 10 il güzəştli olmaqla 35 ilə, lakin libor-2 faizlə hesbalanıb). Layihənin qalan hissəsi Yaponiya qrantının (1,6 milyon dollar), 9,6 milyon dollar revolver fondunun (fond layihənin birinci fazasında yaranıb), 7,8 milyon dollar hökumətin hesabına maliyyələşəcək.
Layihə iki komponentdən ibarətdir. Kənd təsərrüfatı biznes-xidmətlərinə dəstəyə hesablanmış birinci komponentin dəyəri 42 milyon dollardır. Sözügedən komponent çərçivəsində ölkənin regionlarında maliyyə xidmətlərinin, xüsusilə də proqramın birinci fazası çərçivəsində yaradılmış kredit ittifaqlarının fəaliyyətinin gücləndirilməsi nəzərdə tutulur. Eyni zamanda, yerli bankların potensialının artırılması, lizinq şirkətlərinə, informasiya və marketinq xidmətlərinə yardım nəzərdə tutulur. Bunun üçün texniki yardım ayrılması planlaşdırılır.
14 milyon dollar dəyəri olan ikinci komponentdə kənd təsərrüfatı istehsalının və məhsuldarlığın artırılması, məsləhət xidmətlərinin genişləndirilməsi, baytarlıq xidmətindən istifadə imkanlarının artırılması, yeni kınd təsərüfatı texnologiyalarının tətbiqi nəzrdə tutulur.
Layihə dörd ilə hesablanıb. DB-nin Direktorlar Şurası layihəni 2006-cı ilin 29 iyununda təsdiqləyuib. Kredit müqaviləsi isə 2006-cı ilin oktyabrında imzalanıb.
Məqalə müəllifi ilə əlaqə ünvanı: [email protected]
