Azərbaycan, Bakı, 31 avqust / Trend , müxbir E.İsmayılov /
Gürcüstanın Poti Qara dəniz ticarət limanındakı dəmiryol xətlərinin bərpası üzrə işlər tamamlanıb. Bu barədə limanın rəsmi internet saytında yerləşdirilmiş məlumatında deyilir.
Bərpa işlərinə iyunun 1-də başlanılıb və nəzərdə tutulandan tez sona çatıb.
Görülən işlər çərçivəsində 243 metr rels yenidən qurulub və bərpa edilib. Yenidənqurma zamanı Gürcüstan istehsalı olan, Britaniya texnologiyaları əsasında hazırlanan relslərdən, həmçinin İngiltərənin "PANDPOL" şirkətinin istehsalı olan bərkidici qurğulardan istifadə edilib.
Limandakı mənbədən əvvəlcə bildirildiyi kimi, bu il Poti limanı ilkin proqnozlara əsasən təxminən 1,5 milyon ton neft yükü boşaltmağı planlaşdırıb. Lakin böhran ilə əlaqədar olaraq yükboşaltma həcminin 20-30 faiz azalması (əsasən neft yüklərində) gözlənilir.
Bu ildə Poit limanı təxminən səkkiz milyon ton müxtəlif yüklərin boşaldılmasını planlaşdırıb.
Limanın rəsmi saytında bildirildiyi kimi, Potidə cəmi 15 terminal mövcuddur.
Məqalə müəllifi ilə əlaqə ünvanı: [email protected]
