Azərbaycan, Bakı, 31 avqust / Trend , müxbir H.Vəliyev /
Türkiyənin "Mobiltim" şirkəti 100 faizlik mülkiyyətində olan "Azəricard" prosessinq mərkəzində GSM/GPRS POS-terminallarının (VeriFone Vx610) quraşdırılmasını başa çatdırıb. "Mobiltim" şirkətinin marketinq departamentinin rəhbəri Fateh Meral Trend -a deyib.
Meralın sözlərinə görə, yeni GSM/GPRS POS-terminalları artıq test yoxlamasından keçib. Yaxın zamanlarda onların təcrübə istismarına veriləcəyi gözlənilir. Mobil POS-termilnalları mürəkkəb əlavələrlə yüksək sürətli iş qabiliyyətinə malikdir. Proqramlaşdırılmış məxfilik modulu terminalın istənilən təhlükəsiz idarəolunma sisteminə uyğunlaşmasına imkan verir.
Mobil terminal istənilən yerdə plastik kartların xidmət nöqtəsini təyinetmə imkanı yaradır. Xaricdən həssas antena terminala GSM siqnalının aşağı səviyyəsində sabit tranzaksiya keçirmək imkanı yaradır. Əlavə olaraq "Azercell Telecom" mobil rabitə operatoru vasitəsilə əlaqə yaratmaq olar.
2009-cu ilin iyunundan belə terminallar Rusiyada cərimə ödənilməsi üçün tətbiq edilib. Bunun sayəsində Moskva və Moskvaətrafı əhali protokolun tərtib edildiyi yerdə, məsələn, yol patrul xidmətində avtomobillərdə cəriməni bilavasitə ödəyə bilirlər.
"Mobiltim"dən bildiriblər ki, şirkət Azərbaycanda da yol cərimələrinin ödənilməsi üçün GSM/GPRS POS-terminalını təqdim etməyə hazırdır. Plastik kartlarla nağd olmayan ödəniş sürücülərə cərimənin ödənilməsi vaxtına qənaət etməyə və ölkənin dövlət büdcəsində pul vəsaitlərinin operativ və zəmanətlə alınmasına imkan yaradır.
Digər prosessinq mərkəzi "Milli Kart" MMC də GSM/GPRS POS-terminalını uğurla testdən keçirib. MMC-nin layihəsi "Mobiltim" və "NBA Technologies" ilə birgə reallaşır.
Məqalə müəllifi ilə əlaqə ünvanı: [email protected]