Azərbaycan, Bakı, 07 sentyabr / Trend , müxbir N.İsmayılova /
Azərbaycan bankı Azərnəqliyyat Bank 2010-cu ildən VISA International beynəlxalq ödəmə sisteminin plastik kartlarının emissiyasına başlayacaq. Bu barədə bankdan deyilib.
"Yanvar-fevraldan etibarən bank artıq Visa Electron, Visa Classic, Visa Gold, Visa Platinum və Visa Business plastik kartlarının emissiyasına başlayacaq", - bazar ertəsi bankdan deyilib.
Bank cari ilin avqustunda VISA International-ın tamhüquqlu üzvü olub və hazırda bankın sertifikatlaşdırılması prosesi gedir.
"Bank çip-kartlar buraxacağına görə proses maqnit kartların emissiyasına hazırlıqdan daha uzun sürəcək", - bankdan deyilib.
Hazırda bank yerli plastik kartlar buraxır və Milli Kart prosessinq mərkəzinin üzvüdür.
2009-cu ilədək bank plastik kartlar üzrə əməliyyatlar aparmayıb və sistemin yoxlanılması keçirilib. İlin birinci yarısı ərzində dövriyyə cüzi olub. Bu günədək 6200 plastik kart buraxılıb.
Hazırda bank 27 bankomata sahibdir. Onlardan 15-i paytaxtda və qalanı isə regionlarında quraşdırılıb.
Azərnəqliyyat Bank 1989-cu ildə kommersiya bankı kimi təsis edilib, 2005-ci ildə isə bank açıq səhmdar cəmiyyətə çevrilib.
Hazırda bankın Bakıda və regionlarda səkkiz filialı var.
2009-cu ildən etibarən bank uğurlu danışıqlar aparıb və Avropanın iri banklarından biri Raiffeisen Zentralbank Österreich AG ilə əməkdaşlığa başlayıb.
Sentyabrın 07-nə olan cari məzənnə 0,8038 AZN/USD təşkil edir.
Məqalə müəllifi ilə əlaqə ünvanı: [email protected]
